काठमाडौँ । नेकपा एमालेका अध्यक्ष केपी शर्मा अ‍ोलीलाई भेट्न नेकपा माओवादी केन्द्रका नेता नारायणकाजी श्रेष्ठ बालकोट पुगेका छन् ।

अ‍ोलीसँग माओवादी नेता श्रेष्ठले आइतबार बिहान २ घण्टा गोप्य भेटवार्ता गरेका थिए । यो भेटबारे पार्टीका अन्य कुनै नेताहरूलाई जानकारी दिइएको छैन ।

एमाले र माओवादीका शीर्ष नेताहरूले वाम गठबन्धन नहुने बताउँदै गर्दा दोस्रो तहका नेताबीच भेट वार्ता हुन थालेको छ । यस क्रममा ओली र श्रेष्ठबीच वार्ता भएको हो ।

यसअघि पार्टीभित्र माअ‍ोवादीका नेता श्रेष्ठले फरक मत राख्दै आएका थिए । सोही क्रममा दुई नेताबीच भएको भेटलाई अर्थपूर्ण रुपमा हेरिएको छ ।

आजै मात्र एमालेका उपमहासचिव प्रदीप ज्ञवाली र माओवादी केन्द्रका नेता वषमान पुनबीच भेटवार्ता भएको थियो ।