जेरुसेलम- इजरायली कब्जा बल (आइ ओ एफ) ले बिहीबार कब्जा गरिएको वेस्ट ब्याङ्कका विभिन्न क्षेत्रहरूबाट १६ जना प्यालेस्टिनीहरूलाई उनीहरूको आफ्नै घरहरूमा छापा मारेर खोजी गरी पक्राउ गरेको जनाइएको छ ।
प्यालेस्टिनी समाचार एजेन्सी (डब्लुए एफए) ले रिपोर्ट गरे अनुसार आइओएफले रामल्लामा आठ जना प्यालेस्टिनी, अरिहामा अन्य तीन जना र दक्षिणी अल–खलिलमा वाँकी प्यालेस्टिनीलाई पक्राउ गरेको छ ।
बेथलेहेमको पश्चिममा रहेको हुसानमा, आइओएफले दुई जना प्यालेस्टिनी युवाहरू र हेनिनमा अन्य दुई जनालाई उनीहरूको घरमा छापा मारेर उनीहरूको सम्पत्ति छानविन गरेर पक्राउ गरेको जनाइएको छ ।
सम्बन्धित सन्दर्भमा, बेथलेहेमको पश्चिममा रहेको दोहा सहरमा उनीहरूको घरमा आक्रमण गरर पाँच प्यालेस्टिनीलाई आक्रमण गरी घाइते बनाएको जनाइएको छ ।
जेरुसेलम सहित वेस्ट ब्याङ्कमा लगभग दैनिक जसो आइओएफद्वारा छापा, गिरफ्तारी र आक्रमण जन्य घटनाहरु वृद्धि भइरहेको जनाइएको छ ।