काठमाडौँ । काठमाडौं महानगरको मेयरमा उम्मेदवारी दिएका बालेन साह ललितपुर महानगरको मत गणना केन्द्रमा पुगेका छन् ।

ललितपुर महनगर वडा नम्बर १० का स्वतन्त्र उम्मेदवार नरसिंह व्यञ्जनकारको प्रतिनिधिका रुपमा बालेन त्यहाँ पुगेका हुन् ।

बालेनले काठमाडौं महानगरमा सुरुदेखि ठूला पार्टीका उम्मेदवारसँग फराकिलो मतान्तर बनाउँदै आएका छन् ।

पछिल्लो परिणामअनुसार १६ हजार ५२ मत ल्याएका छन् । उनलाई नेकपा एमालेका उम्मेदवार केशव स्थापितले ८ हजार ३४५ मत ल्याएर पछ्याइरहेका छन् ।

गठबन्धनकी साझा उम्मेदवार नेपाली कांग्रेसकी सिर्जना सिंहले ७ हजार ५११ मत ल्याएकी छन् ।