कैलाली- कैलाली जिल्लाका पाँचवटै प्रतिनिधि सभा निर्वाचन क्षेत्रमा औसत ५५.३७ प्रतिशत मतदान भएको छ।

निर्वाचन कार्यालयका अनुसार जिल्लामा रहेका कुल ५ लाख ५१ हजार ५२ मतदातामध्ये ३ लाख ५ हजार १२२ जनाले मतदान गरेका छन्। खसेको मतमध्ये महिला १ लाख ६२ हजार ५१, पुरुष १ लाख ४३ हजार ६७ र अन्य ४ जना रहेका छन्।
निर्वाचन क्षेत्र अनुसार मतदान विवरण:
* क्षेत्र नम्बर १: कुल १ लाख ८ हजार ४९१ मतदातामध्ये ५९ हजार ६१ मत खसेको छ। यो ५४.४३ प्रतिशत हो।
* क्षेत्र नम्बर २: कुल १ लाख ७ हजार ७५७ मतदातामध्ये ५६ हजार ७७० मत खसेको छ। यो ५२.६८ प्रतिशत हो।
* क्षेत्र नम्बर ३: कुल १ लाख ९ हजार १२२ मतदातामध्ये ६० हजार २९४ मत खसेको छ। यो ५५.२५ प्रतिशत हो।
* क्षेत्र नम्बर ४: कुल १ लाख १५ हजार १४३ मतदातामध्ये ६३ हजार ३४ मत खसेको छ। यो ५४.७४ प्रतिशत हो।
* क्षेत्र नम्बर ५: कुल १ लाख १० हजार ५३९ मतदातामध्ये ६५ हजार ९६३ मत खसेको छ। यो ५९.६७ प्रतिशत हो।
जिल्लाभर मतदान शान्तिपूर्ण रूपमा सम्पन्न भएको प्रशासनले जनाएको छ। मतदान सकिएपछि मतपेटिका सङ्कलन गरी तोकिएका केन्द्रमा मतगणनाको लागि पुराउने काम भैरहेको छ । आजै मतगणना गर्ने तयारी भैरहेको आयोगले जानकारी दिएको छ ।