कैलाली । सुदूरपश्चिम प्रदेशको समग्र विकास सम्भावनालाई उजागर गर्ने उद्देश्यसहित सुदूरपश्चिम महोत्सवमा पहिलोपटक ‘भिजन सुदूरपश्चिम’ कार्यक्रम समावेश गरिएको छ।
महोत्सवमार्फत शिक्षा, स्वास्थ्य, खेलकुद, कृषि र पर्यटन क्षेत्रको वर्तमान अवस्था, चुनौती र भविष्यका सम्भावनाबारे बिज्ञहरुसंग छलफल गरिएको छ।
प्रदेशमा उपलब्ध स्रोत–साधन, मानव पूँजी र प्राकृतिक सम्भावनालाई योजनाबद्ध रूपमा अघि बढाउन ‘भिजन सुदूरपश्चिम’ उपयोगी माध्यम बन्ने अपेक्षा गरिएको छ। यस कार्यक्रमले नीति निर्माण तह, निजी क्षेत्र र युवाहरूलाई एकै थलोमा ल्याएर विकासका नयाँ मार्गहरू पहिचान गर्न सहयोग पुर्याउने विश्वास आयोजकले व्यक्त गरेका छन्।
महोत्सवमा सहभागी दर्शक तथा सरोकारवालाले ‘भिजन सुदूरपश्चिम’ मार्फत प्रदेशको दीर्घकालीन विकास सोच बुझ्न पाउने र सम्भावनामा आधारित लगानी तथा सहकार्यका अवसर पहिचान हुने ‘भिजन सुदुरपश्चिम’ कार्यक्रमका संयोजक एबम कैलाली उद्योग बाणिज्य संघका सदस्य अजय पाण्डेयले बताए ।
महोत्सव अवधिभर प्रत्येक दिन फरक फरक बिषयमा सरोकारवालाहरुसंग महोत्सव स्थलमै प्रत्यक्ष कुराकानी, सम्बाद र छलफलका माध्यमबाट समग्र सुदुरपश्चिमको सम्भावनाका बारेमा जानकारी दिने उद्देश्यले कार्यक्रमको आयोजना गरिएको संयोजक पाण्डेयले बताए ।
