संकटका बेला हामी बबुरा नेपालीलाई
आगोको भुंग्रोमा छाडी
राजीनामा ठोकेर
हेलिकोप्‍टरमा टाप कसेका

अहिले भक्तपुरको गाउँमा
अवतरित भएर
बडेमानको सिंहासनवाला
सोफामा बसेका
‘झापाली बा’को
रुवावासी सुनी नसक्नु छ !

कहिले सरकारलाई मान्दिनँ भन्छन्
कहिले सरकारले गरेका कामलाई !

कति छिटो बिर्सिएका छन् बड्डाले
आफ्नाले गरेको बदमाशी
आफूले गरेका बेथिति !

त्यही भएर त हो बड्डा
तिमी हेलिकोप्‍टरमा चढेर भागेको !

अब संन्यास लिएर
चितवन माडीको
अयोध्याको सेवा गर
प्रचार प्रसार गर
किताब लेख
त्यही नै तिम्रो
मुक्तिको बाटो हुनेछ !