नयाँदिल्ली- यदि तपाईं खेलकुदमा रुचि राख्नु हुन्छ भने खेलाडीहरूले आफ्नो ब्रेकमा केरा खाइरहेको देख्न सक्नु हुन्छ। किनकि, केरा सबैभन्दा राम्रो इनर्जी बुस्टर हो।
यसले तत्काल ऊर्जा दिन्छ। यो गुलियो मात्र हुँदैन, बालबालिकादेखि ज्येष्ठ नागरिकसम्मका लागि लाभदायक पनि हुन्छ।
करिब १० हजार वर्षअघि दक्षिण-पूर्वी एसियाको जंगलमा पहिलोपटक केरा फलाइएको मानिन्छ। शुरुवातमा उत्पादित केराको आकार सानो थियो। जब यसको खेती बढ्न थाल्यो, आकार पनि विस्तारै बढ्न थालेको हो।
अहिले केरा संसारभर सबैभन्दा बढी खाइने फलमध्ये एक हो। यो मौसमी फल होइन, यसले वर्षैभरि उत्पादन दिन्छ।
केरा खाँदा पाचन प्रणाली राम्रो हुन्छ। मुटुको स्वास्थ्यका लागि पनि यो लाभदायक हुन्छ। तौल नियन्त्रणका दृष्टिले पनि यो राम्रो फल हो। उच्च रक्तचाप नियन्त्रण र हड्डीहरूलाई मजबुत बनाउन पनि यसको भूमिका राम्रो मानिन्छ।
१०० ग्राम केरामा क्यालोरी ८९ केसीएल, सुगर १२.२ ग्राम, प्रोटिन १.१ ग्राम, फाइबर २.६ ग्राम र कार्ब्स २२.८ ग्राम पाइन्छ।
केरामा फाइबरको भरपुर मात्रा पाइन्छ। र, पाचन प्रणालीलाई मजबुत बनाउँछ। केरामा पाइने प्राकृतिक सुगर र कार्बोहाइड्रेटले तत्काल ऊर्जा दिन्छन्। यसमा पाइने पोटासियमले उच्च रक्तचाप नियन्त्रणमा साथ दिन्छ।
शरीरलाई स्वस्थ तौल हासिल गर्न मद्दत गर्छ। यसमा पाइने क्याल्सियमले हड्डीलाई मजबुत राख्छ। यसमा पाइने भिटामिन बी-६ ले तनाव कम गराउँछ।
यसमा उपलब्ध भिटामिन-सी र एन्टिअक्सिडेन्टबाट छालामा चमक आउँछ। शारीरिक व्यायामपछि थकान कम गर्न मद्दत गर्छ। र, यसमा पाइने आइरनले ब्लड सेल्स बढाउन मद्दत गर्छ र रक्तअल्पताको जोखिम घटाउँछ।