नयाँदिल्ली- यदि तपाईं घरभित्र बढी समय बिताउनु हुन्छ भने तपाईं चाँडै बुढो हुनु हुनेछ। टीभी, ल्यापटप, मोबाइलबाट निस्कने नीलो प्रकाश यसको मुख्य कारण हो। राम्रो स्वास्थ्यका लागि सूर्यको प्रकाश आवश्यक छ।
घामबिना घरभित्र बस्न जति सहज लाग्छ, त्यसले विस्तारै तपाईंको छालालाई हानी पुर्याउन सक्छ। विशेष गरी, घरबाटै काम गर्ने वा घण्टौंसम्म फोनको स्क्रिनमा टाँसिएकाहरूका लागि यो खतराको घण्टी हुन सक्छ।
वास्तवमा, स्क्रिनबाट निस्कने नीलो प्रकाश छालाको गहिराइमा जान सक्छ र कोलाजेनलाई क्षति पुर्याउन सक्छ, जसको कारण छाला खुकुलो हुन थाल्छ र चाउरीपन देखिन थाल्छ।
अर्थात्, घरभित्र बस्दा पनि तपाईंको छाला समयभन्दा पहिले बुढो हुन सक्छ। तर, आत्तिनु पर्दैन, तपाईंले केही सजिलो परिवर्तन र रोकथाम विधिहरू अपनाएर यो क्षति कम गर्न सक्नु हुन्छ।
ल्यापटप र कम्प्युटर स्क्रिनबाट निस्किने नीलो प्रकाशले छालालाई हानी पुर्याउँछ। आजकल घरहरूमा बत्तीहरू पनि धेरै उज्यालो छन्। यदि कसैलाई पिग्मेन्टेसनजस्तो छालाको समस्या छ भने त्यस्तो प्रकाशले पनि हानी पुर्याउन सक्छ।
यस्तो अवस्थामा घरभित्र भए पनि सनस्क्रिन प्रयोग गर्नु आवश्यक छ। त्यसैले, सूर्यको किरणले मात्र छालालाई हानि पुर्याउँछ भन्ने विश्वास गर्नु गलत हो। भित्री बत्ती र स्क्रिनले पनि छालाको स्वास्थ्यलाई असर गर्न सक्छ।
नीलो प्रकाशले सबै उमेरका मानिसहरूलाई असर गर्छ। तर, युवा-युवती र किशोर-किशोरीहरू यसको बढी जोखिममा हुन्छन्। कारण हो- यस उमेरका मानिसहरूले आफ्नो धेरैजसो समय मोबाइल, ल्यापटप र टीभी स्क्रिनमा बिताउँछन्।
लामो समयसम्म स्क्रिन हेर्दा उनीहरूको आँखामा तनाव हुन्छ र उनीहरूको निद्राको ढाँचा पनि बिग्रन सक्छ। साथै, नीलो प्रकाशले छालामा समयपूर्व चाउरीपना र दागहरू निम्त्याउन सक्छ। नीलो प्रकाशले साना बच्चाहरूको आँखालाई बढी क्षति पुर्याउन सक्छ।
ब्लू लाइटबाट बच्ने उपाय
– डिभाइसमा ब्लू लाइट फिल्टर अन गरौं
– ‘नाइट मोड’ या ‘डार्क मोड’को प्रयोग गरौं
– ब्लू लाइट ब्लकिङ स्क्रिन गार्डको प्रयोग गरौं
– स्क्रिन टाइम साह्रै बढी हुन्छ भने एन्टी ब्लू लाइट चश्मा लगाऊँ
– स्मार्टफोन या ल्यापटपमा मोडरेट ब्राइटनेसको प्रयोग गरौं
– हरेक २० मिनटमा एक मिनट स्क्रिनबाट नजर हटाऊँ
भास्कर डट कमबाट