धरहराको टुप्पोमा उभिएर
बडका भलमन्साले
काठमाडौंलाई नियाले

जल्दै गरेको सिंहदरबार
सर्वोच्च अदालत, संसद भवन
घर, व्यापारिक संस्थान

आगलागीको धुवैं धुवाँले
भरिएको काठमाडौंको आकाश

नख्खुबाट कागज बोकी
भाग्दै गरेका थुनुवा

यो सब देखी आँसु बगाउँदै
छेउमा उभिएका ठग्गालाई भने-

भतिज यी युवाको आन्दोलनमा
लुट्ने, आगो लगाउने
थुनुवा भगाउने कुरा थिएन
नातिले त भन्दै थियो

कताबाट आए यी लुटाहाहरू
आगो लगाउनेहरू

यी हाम्रा धरोहरहरू
हामीले त देख्यौं
पछि आउने पुस्ताले
किताबमा पढ्ने छन्

बचाउन किन नसकेको
भनेर हामीलाई सराप्‍ने छन्