नयाँदिल्ली- गर्मीयाममा आइसक्रिमको माग ह्वात्तै बढ्छ। चिसो र मिठो आइसक्रिम बालबालिकादेखि ज्येष्ठ नागरिकसम्मको रुचिमा पर्छ। तर, त्यही आइसक्रिममा अखाद्य पदार्थको मिश्रण भयो भने कलेजो र मिर्गौलामा सीधा असर पर्छ।
बजारमा विभिन्न स्वाद, रंग र सेपमा आइसक्रिम बिक्रीमा राखिएको हुन्छ। आइसक्रिमले चर्को गर्मीमा राहत दिन्छ। यसको स्वादको पछाडि एक सच्चाइ छिपेको हुन्छ, जो जान्नु अत्यावश्यक छ।
हालै भारतको कनार्टकमा खाद्य सुरक्षा तथा औषधि प्रशासन विभागले छापा मार्दा धेरै स्थानमा बिक्रीमा राखिएका आइसक्रिम सडे-गलेको अवस्थामा भेटिएको थियो। कतिपय पसलमा बिक्रीमा राखिएका आइसक्रिममा सिन्थेटिक दूध, डिटर्जेन्ट, युरिया, नक्कली रङ र स्याकरिनजस्ता खतरनाक रसायन पाइएको थियो।
आइस क्यान्डी र कोल्ड ड्रिंक्समा पनि फोहोर पानी र आवश्यकताभन्दा बढी फ्लेभर मिसाइएको पाइएको थियो। स्वादको चक्करमा मानिसलाई स्वास्थ्यमा सीधा असर पुर्याउने खतरनाक वस्तु मिसाइएको पाइएको थियो।
चिकित्सकहरूका अनुसार मिसावटयुक्त आइसक्रिमले पेट खराब हुन्छ, वान्ता गराउँछ। छालामा एलर्जी, आन्द्रा सुन्निने, मिर्गौला र कलेजोमा क्षति गर्छ। र, क्यान्सर पनि गराउन सक्छ।
खराब आइसक्रिम हो कि होइन भन्ने थाहा पाउन एक गिलास पानी लिने। त्यसमा थोरै आइसक्रिम हाल्ने। यदि आइसक्रिम पानीको घुल्यो भने त्यसमा मिसावट हुँदैन। पानीमा फोका बन्न थाल्यो भने त्यसमा सिन्थेटिक रसायन प्रयोग भएको हुन्छ। र, त्यो स्वास्थ्यका लागि खतरनाक हुन्छ।
यस्तै, औंलाको बीचमा राखेर रगड्दा साबुनजस्तो पदार्थ आयो भने त्यो पनि मिसावटयुक्त हुन्छ। पसलमै पनि कडा गन्ध आयो भने त्यसमा केही न केही अखाद्य पदार्थ मिसिएको हुन्छ।
त्यसैले विश्वासिलो ब्रान्डको आइसक्रिम मात्र खाऔं। प्याकिङ सिल राम्रो छ कि छैन भन्ने हेरौं। खुला प्याकिङको आइसक्रिम नखाऔं। प्याकेटमा छापिएको मिति राम्रोसँग हेरौं। सडक किनारामा ठेलामा बिक्रीमा राखिएको आइसक्रिम नखाऔं। सकिन्छ भने घरमै दूध र ताजा फलफूलबाट आइसक्रिम बनाएर खाऔं।
भास्कर डट कमबाट