नयाँदिल्ली- च्याउ यस्तो प्राकृतिक सुपरफुड हो, जो धेरै जरुरी पोषक तत्वहरूबाट भरपूर हुन्छ। यो खानलाई स्वादिष्ट मात्र नभई स्वास्थ्यका लागि पनि धेरै लाभदायक हुन्छ।
धेरै मानिसले यसलाई हेल्दी डाइटका रूपमा आफ्नो थालीमा सामेल गराउँछन्। तथापि, कतिपय मानिस च्याउको अजीव बनावटका कारण यसको तरकारी खान हिचकिचाउँछन्।
च्याउमा काम गर्ने अमेरिकी संस्था ‘द मसरुम काउन्सिल’का अनुसार यसमा भिटामिन डी, फाइबर र प्राटिनेलदगायत धेरै जरुरी मिनरल्स तथा सेलेनियम, ग्लुकाथियोन र एर्गोथायोनिनजस्ता एन्टिअक्सिडेन्ट्स उपलब्ध छन्। ती न्युट्रिएन्ट्सले रोग प्रतिरोधी क्षमता मजबुत बनाउन, मुटुलाई स्वस्थ राख्न र पाचन प्रणाली राम्रो बनाउन मद्दत गर्छन्। यस्तै, च्याउमा क्यालोरीको मात्रा एकदमै कम हुन्छ। र, च्याउ खाँदा शरीरको तौल बढ्ने जोखिम कम हुन्छ।
१०० ग्राम च्याउमा ३.०९ ग्राम प्रोटिन, ३.२८ ग्राम कार्बोहाइड्रेट, १ ग्राम फाइबर, ३ मिलिग्राम क्याल्सियम, ३१८ मिलिग्राम पोटेसियम र ५ मिलिग्राम सोडियम पाइन्छ।
च्याउ खाँदाका १० फाइदा
– रोग प्रतिरोधात्मक क्षमता वृद्धि गर्छ
– उच्च रक्तचाप नियन्त्रणमा राख्छ
– तौल कम गर्न मद्दत पुर्याउँछ
– मुटुलाई स्वस्थ राख्छ
– पाचन प्रणाली दुरुस्त बनाउँछ
– हड्डीहरूलाई मजबुत बनाउँछ
– ब्लड सुगर र कोलेस्टेरोल नियन्त्रणमा राख्छ
– गट ब्याक्टेरियालाई राम्रो अवस्थामा राख्छ
– मस्तिष्कको स्वास्थ्यका लागि लाभदायक हुन्छ
– क्यान्सरको जोखिम कम गर्छ