नयाँदिल्ली- वर्षातले चर्को गर्मीबाट पक्कै पनि राहत दिन्छ। तर, यसले धेरै संक्रामक रोगहरूको जोखिम पनि साथमै ल्याउँछ।
धेरै ठाउँमा आर्द्रता र पानी जम्मा हुने भएकाले ब्याक्टेरिया र भाइरसहरू द्रुत गतिमा बढ्छन्। यसले संक्रमण फैलिने जोखिम बढाउँछ।
यदि यी रोगहरूको समयमै पहिचान गरिएन भने कहिलेकाहीं तिनले गम्भीर रूप लिन सक्छन्। यद्यपि, केही आवश्यक सावधानी र सरसफाइको आदतका साथ यस मौसममा आफूलाई सुरक्षित राख्न सकिन्छ।
वर्षातमा लाग्ने १० रोग
– डेंगु- चर्को ज्वरो, छालामा कालो धब्बा, टाउको द्खाइर कम प्लेटलेट्स यसका लक्षण हुन्।
– चिकनगुनिया- चर्को ज्वरो, जोर्नीको दुखाइ, थकान र जाडो महशुस हुनु यसका लक्षण हुन्।
– मलेरिया- चर्को ज्वरो, शरीर दुख्ने, टाउको दुख्ने र जाडो महशुस हुने यसका लक्षण हुन्।
– हैजा- पखाला लाग्ने, वान्ता हुने, ओठ-मुख सुक्ने र मांशपेशीमा ऐंठन महशुस हुने यसका लक्षण हुन्।
– भाइरल ज्वरो- चर्को ज्वरो, घाँटी खसखसाउने, थकान, शरीरको दुखाइ यसका लक्षण हुन्।
– पखाला- पातलो दिसा, वान्ता, पेट दुख्ने र कमजोरी यसका लक्षण हुन्।
– लेप्टोस्पाइरोसिस- यो एक प्रकारको ब्याक्टेरियल इन्फेक्सन हो। ज्वरो आउने, जाडो महशुस हुने, टाउको दुख्ने, मांशपेशीको दुखाइ, आँखा रातो हुने, वान्ता हुने यसका लक्षण हुन्।
– पेटको फ्लू- पखाला लाग्ने, वान्ता हुने, पेट दुख्ने र ज्वरो यसका लक्षण हुन्।
– इन्फ्लुएन्जा- अचानक ज्वरो आउनु, थकान, शरीर दुख्ने र खोकी यसका लक्षण हुन्।
– कन्जङ्क्टिभाइटिस- आँखा रातो हुने, आँखा चिलाउने, दुख्ने र परेला सुन्निने यसका लक्षण हुन्।
मनसुन डिजिजबाट बच्ने १० उपाय
– साबुन-पानीले हात बारम्बार धोऊँ
– बिरामी मानिसबाट पर्याप्त दूरीमा बसौं
– आफ्नै आँखा, नाक र मुखलाई बारम्बार छुने बानी हटाऊँ
– घर र आसपासको वातावरण सफा राखौं
– भान्सा कोठालाई सफा राख्न विशेष ध्यान दिऊँ
– लामखुट्टेबाट बच्न मच्छडदानीको प्रयोग गरौं
– बाहिर र खुला स्थानका खाना नखाऊँ
– पानीलाई फिल्टर गरेर या पर्याप्त उमालेर पिऊँ
– बिरामीको लक्षण देखिनासाथ तत्काल चिकित्सकको परामर्श लिऊँ
भास्कर डट कमबाट