नयाँदिल्ली- तपाईंले प्रायः देख्नुभएको होला, अधिकांश मानिस आफ्नो वालेट (पर्स) आफ्नो पाइन्टको पछाडिको खल्तीमा राख्छन्। तर, के तपाईंले कहिल्यै सोच्नुभएको छ, यो सानो बानीले हाम्रो मेरुदण्ड र पेल्भिसको सन्तुलन विस्तारै बिगार्न सक्छ।
नेसनल लाइब्रेरी अफ मेडिसिनमा प्रकाशित एक अध्ययनअनुसार जो आफ्नो वालेट पछाडिको खल्तीमा राखेर बस्छन्, उनीहरूको शरीरको सन्तुलन विस्तारै बिग्रन थाल्छ।
यसले गर्दा पेल्भिस एकातिर ढल्किन्छ र मेरुदण्ड बांगो हुन सक्छ। लामो समयसम्म यसो गर्दा ढाड दुख्ने र साइटिकाको जोखिम बढ्छ। यद्यपि, आफ्नो बानीमा केही परिवर्तन गरेर यो खतराबाट बच्न सकिन्छ।
यी हुन् सम्भावित खतरा
– शरीरको खुट्टालाई जोड्ने हड्डीमाथि एकतर्फी दबाब बढ्छ
– पेल्भिसको सन्तुलन बिग्रिन्छ
– ढाड र कम्मरमा दुखाइ शुरु हुन्छ
– साइटिकाको खतरा बढ्छ
– खुट्टा र हिप्समा झन्झनाहट हुन सक्छ
– शरीरको एकतिरका मांशपेशीहरू टाइट हुन सक्छन्
के गर्ने ?
– वालेटलाई सधैं पाइन्टको अगाडिको खल्ति, कोट या ब्यागमा राखौं
– लामो समय बसिरहनुपर्छ भने वालेट निकालेर टेबलमा राखौं
– वालेटमा सकेसम्म कमभन्दा कम सामान राखौं
– लामो समय एकै ठाउँमा नबसौं, हरेक ३० मिनटमा कुर्सीबाट उठेर टहल्ने गरौं
– सधैं सही पोस्चरमा बस्ने बानी विकास गरौं
– कुनै पनि समस्या देखिनासाथ डाक्टरको परामर्श लिऊँ
भास्कर डट कमबाट