काठमाडौँ । कलंकी चोकमा टिपरले ठक्कर दिँदा एक जना मोटरसाइकल चालकको मृत्यु भएको छ । आज बिहान स्वयम्भुतर्फ आइरहेको बा ५ ख ७३४५ नम्बरको टिपरले बा ८० प ६३७३ नम्बरको मोटरसाइकललाई ठक्कर दिएको हो ।

टिपरको ठक्करका कारण मोटरसाइकल चालक धादिङको धुनीबेशी नगरपालिका २ का ४५ वर्षीय दिवाकर अधिकारीको मृत्यु भएको हो ।

दुर्घटनामा गम्भीर घाइते भएका उनको त्रिवि शिक्षण अस्पताल महाराजगञ्जमा उपचारको क्रममा मृत्यु भएको प्रहरीले जनाएको छ ।