नयाँदिल्ली- वर्षा ऋतुले गर्मीबाट राहत दिन्छ। तर, यही ऋतुमा भाइरल इन्फेक्सन र फ्लूजस्ता धेरै स्वास्थ्य समस्या पनि निम्तिन्छन्।
यस समयमा हावामा बढेको आर्द्रताको प्रभाव शरीरभित्र मात्र नभई छाला, कपाल र खुट्टामा पनि देखिन्छ।
वास्तवमा वर्षाको दिनमा भिजेको जुत्ता र मोजा लगाउनु, हिलो र फोहोर पानीबाट जानु सामान्य कुरा हो। यसले खुट्टामा फंगल वा ब्याक्टेरिया संक्रमणको जोखिम बढाउँछ। त्यसैले, यस मौसममा खुट्टाको उचित हेरचाह गर्नु धेरै महत्त्वपूर्ण छ।
यी हुन् लक्षण
– पाइतालाको छाला रातो हुने
– खुट्टा चिलाउने या जलनजस्तो महशुस हुने
– कुर्कुचामा पाप्रा आउने र छाला सुक्खा हुने
– औंलाको कापमा बिमिरा आउने
– औंलाको कापमा घाउ हुने
– नङ र छालाको बीचमा घाउ हुने
– छालाबाट सेतो तरल पदार्थ या पिपजस्तो निस्किनु
– हिँडडुल गर्दा पाइताला एकदमै पोल्ने
– खुट्टा अचानक सुन्निने
बच्ने १० उपाय
– खुट्टालाई हमेशा सफा र सुक्खा राखौं
– लामो नङ नपालौं र सफाइ गरिरहौं
– भिजेको मोजा र जुत्ता नलगाऊँ
– बाहिरबाट आएपछि खुट्टालाई साबुन-पानी या मनतातो पाीले धोऊँ
– औंलाहरूको कापलाई राम्रोसँग सफा गरेर सुक्खा राखौ
– घरमा नांगै खुट्टा नहिँडौं
– वाटरप्रुफ जुत्ता लगाऊँ
– एन्टिफंगल पाउडर प्रयोग गरौं
– आफ्नो जुत्ता अरूसँग सेयर नगरौं
– खुट्टामा जलन या रेडनेस देखियो भने चिकित्सकलाई देखाऊँ
भास्कर डट कमबाट