काठमाडौं- सुनसरीको रामधुनी नगरपालिका-८ का वडाध्यक्षका स्वतन्त्र उम्मेदवार गणेश पौडेल मृत फेला परेका छन्। पौडेल आफ्नै घर पछाडि मृत फेला परेका हुन्।

उनी गत बिहीबार इनरूवा-४, बसचोकमा मोटरसाइकल छाडेर सम्पर्कविहीन भएका थिए। सम्पर्कविहीन भएपछि धेरैले उनी अपहरणमा परेको आशंका गरेका थिए। तर, २४ घण्टापछि उनी परिवार र प्रहरीको सम्पर्कमा आएका थिए।

उनले आत्महत्या गरेको हुनसक्ने प्रहरीले जनाएको छ। घटनाको विषयमा प्रहरीले अनुसन्धान थालेको छ।