नयाँदिल्ली- भारतीय कलाकार राम कपुर १८ महिनामा ५५ किलो तौल घटाएर अहिले चर्चामा छन्। तथापि, उनले त्यसका लागि मेडिकल फर्मुला प्रयोग गरेका थिएनन्।
उनले कुनै औषधि प्रयोग गरेनन्, न कुनै सर्जरी गराए। उनले ओल्ड-स्कुल अप्रोचबाट तौल घटाएका छन्। उनले सन्तुलित भोजन गरे, जमेर शारीरिक व्यायाम गरे र पूर्ण निन्द्रा लिए।
संसार तीन दशकयता मोटोपन एक ठूलो समस्या बनेको छ। सन् १९९० देखि २०२२ का बीचमा किशोरवयमा मोटोपन ४ गुणाले बढेको अध्ययनहरूले देखाएका छन्।
सबै मुलुकमा बढ्दो मोटोपनका कारण विश्व स्वास्थ्य संगठनले यसलाई महामारी नै घोषणा गरेको छ।
मोटोपन एक महामारी
– संसारमा ८ मध्ये एक व्यक्ति मोटोपनको शिकार छन्
– सन् १९९० देखि २०२२ बीचमा बयस्कहरूमा मोटोपन दोब्बर बनेको छ
– सन् १९९० देखि २०२२ बीचमा किशोरवयमा मोटोपन चार गुणा बढेको छ
– संसारभर १८ वर्ष या त्यसमाथिको उमेरका २५० करोड मानिस ओभर वेट छन्
– संसारभर ५ वर्षभन्दा कम उमेरका ३.७ करोड बालबालिका ओभर वेट छन्
– संसारभर ५ देखि १९ वर्षका ३९ करोड बालबालिका ओभर वेट छन्
वेट लस जर्नीका जटिलता
– एक्कासी तौल घटाउँदा मेटाबोलिजम कमजोर हुन सक्छ
– बोसोको साटो मांशपेशी लस हुन सक्छ
– कपाल झर्ने समस्या आउन सक्छ
– हड्डीहरू कमजोर हुन सक्छन्
– साह्रै कमजोरी महशुस हुन सक्छ
– गोलस्टोन्स हुन सक्छ
भास्कर डट कमबाट