कैलाली– धनगढीमा भएको प्रथम निता स्मृती राष्ट्रिय उसु (सान्दा) प्रतियोगितामा सुदूरपश्चिम प्रदेश प्रथम भएको छ।

पुस १४ गतेदेखि शुरु भएको प्रतियोगितामा सुदूरपश्चिमले ९ स्वर्ण, ४ रजत र एक कास्य पदकसहित १४ पदक जितेर प्रथम भएको हो।

नेपाल पुलिस क्लब ११ पदकसहित दोस्रो भएको छ। त्यस्तै गण्डकी प्रदेशले ७, लुम्बिनीले ७, कर्णालीले ४, र बागमतीले १ कास्य पदक जितेका छन्।

जुनियरतर्फ पनि सुदूरपश्चिम प्रथम भएको छ।

प्रतियोगितामा पाँच प्रदेश र एउटा विभागीय गरि ६ टिमको सहभागिता थियो। सिनियर र जुनियरतर्फ सान्दा विधामा ८८ पदकका लागि प्रतिस्पर्धा भएको आयोजक सुदूरपश्चिम प्रदेश उसु संघका कार्यावाहक अध्यक्ष राजीव गुप्ताले बताए।