काठमाडौँ । चीनमा केही दिनयता कोरोना भाइरस (कोभिड–१९) का संक्रमितको संख्या बढ्न थालेको छ । पछिल्लो केही दिनयता संक्रमित व्यक्तिको संख्या बढ्न थालेको यहाँका स्वास्थ्य क्षेत्रका अधिकारीले बताएका हुन् ।
चीनका विभिन्न सहरमा कोरोनाका संक्रमितहरूको संख्या सोमबार मात्र तीन हजारभन्दा बढी पुगेको यहाँका स्वास्थ्य अधिकारीहरूले जनाएका छन् ।
सोमबारको तथ्यांकअनुसार यहाँ तीन हजार २९७ जना कोरोना संक्रमित देखिएका हुन् । तीमध्ये सबैभन्दा धेरै सांघाई शहरमा पाइएको बताइएको छ ।
चीनको नेसनल हेल्थ कमिसनले सोमबार भेटिएमध्येका तीन हजार ८४ जना सांघाईकै रहेका बताएको छ । यहाँ पछिल्लो समयमा सांघाइमा कोरोनाको संक्रमण बढेको छ ।
त्यहाँ थप संख्यामा कोरोना भाइरसका संक्रमित भेटिन थालेको चीनको नेशनल हेल्थ कमिसनले दिएको जानकारीमा जनाइएको छ ।
चीनमा पछिल्लो समयमा संक्रमित भेटिन थालेपछि यहाँको सरकारले कोरोनाबाट निको भएका नागरिकहरूमा पनि पुनः स्वास्थ्य जाँच गर्न शुरु गरेको छ ।
