काठमाडौं- तपाईंले मन पराउने व्यक्तिले पनि तपाईंलाई मन पराउँछ भने निश्चित रुपमा तपाईंको प्रपोज (प्रस्ताव) स्वीकार हुन्छ तर प्रेम व्यक्त गर्नेबेला केही कुरा ध्यानमा पनि राख्नुपर्छ नभए प्रस्ताव अस्वीकार हुन पनि सक्छ । यदि तपाईं पनि कोही विशेषलाई प्रपोज गर्न चाहनुहुन्छ भने यस्ता गल्ती गर्नबाट बच्नुहोस् ताकि तपाईंको प्रपोजल रिजेक्ट नहोस् ।

हतार नगर्नुहोस्

पुरुष धेरैजसो प्रस्ताव राख्न हतार गर्छन्, यस्तो गर्दा कुरा बिग्रन सक्छ । तपाईंहरु केही दिन अघि मात्रै भेट्नुभएको छ र एक–अर्कालाई राम्रोसँग नचिनिकन तपाईंले प्रपोज गरिदिनुहुन्छ भने तपाईंको प्रस्ताव अस्वीकार हुनसक्छ ।

प्रस्ताव राख्न विशेष दिन

प्रस्ताव राख्नका लागि केही विशेष दिन छान्नु नै उत्कृष्ट हुन्छ । जस्तै भ्यालेन्टाइन्स विकमा प्रपोज डेमा प्रपोज गरिन्छ भने यो निश्चित रुपमा तपाईंका लागि विशेष हुनसक्छ । यसका साथै तपाईंले उनको जन्मदिन, वर्षको विशेष दिन, वर्षको अन्तिम वा पहिलो दिन, कुनै पर्वमा प्रपोज गर्न सक्नुहुन्छ ।

मूड थाहा पाएपछि प्रस्ताव राख्नुहोस्

कहिलेकाँही तपाईंले प्रस्ताव राख्न लागेको व्यक्तिको मूड सही नहुन पनि सक्छ वा ऊ कुनै तनावमा पनि हुनसक्छ । यस्तो बेला प्रस्ताव राख्दा अस्वीकार हुने सम्भावना बढी रहन्छ । त्यसैले प्रस्ताव राख्नुअघि साथीको मूड बुझ्नुहोस् र उनीसँग कुरा गर्नुहोस् ।

शब्द चयनमा ध्यान दिनुहोस्

यदि तपाईंलाई प्रस्ताव राख्नु छ भने तपाईं उहाँका लागि जे महसुस गर्नुहुन्छ त्यसबारे बताउनुहोस् । तपाईंलाई उहाँसँग बस्दा, उहाँबाट टाढा हुँदा कस्तो महसुस हुन्छ, त्यसबारे जानकारी दिनुहोस् । तर हतारमा वा आत्तिएर कुरा गर्दा तपाईंको प्रस्ताव अस्वीकार पनि हुनसक्छ ।

सार्वजनिक स्थानबाट बच्नुहोस्

कतिलाई सार्वजनिक रुपमा प्रेम प्रस्ताव राखेको मनपर्छ भने धेरैजसोलाई यसो गरेको फिटिक्कै मनपर्दैन । सम्बन्धमा रहनका लागि तपाईंहरु दुबैको मनमा भावना जागृत हुन जरुरी छ । यदि तपाईंले कसैलाई सार्वजनिक स्थानमा प्रेम प्रस्ताव राख्नुहुन्छ भने उसलाई झर्को लाग्न सक्छ, त्यसैले प्रस्ताव राख्नका लागि कम भीडभाडयुक्त स्थान छान्नुहोस् ।

विश्वास कायम राख्नुहोस्

यदि तपाई युवतीको मन जित्न चाहनुहुन्छ भने विश्वास कायम गर्नुहोस् किनभने विश्वास बिना कुनै पनि सम्बन्ध चल्दैन । युवतीले तपाईंलाई विश्वास गर्छ भनेर निश्चित भएपछि मात्रै उनलाई प्रस्ताव राख्नुहोस् ।

जवाफका लागि हतार नगर्नुहोस्

केही मानिस प्रस्ताव राख्ने बित्तिकै तुरुन्तै जवाफ चाहन्छन् तर यदि तपाईं पनि यस्तै सोच्नुहुन्छ भने यस्तो गर्नबाट जोगिनुहोस् । किनभने प्रस्ताव राखेपछि सोच्नका लागि केही समय तपाईंले दिनुपर्छ । जवाफका लागि बारम्बार दबाब पनि नदिनुहोस् ।