काठमाडौं– कुकुर पाल्न धेरैलाई मन पर्छ । मानिसहरूको एकान्तको साथी पनि कुकुरलाई मान्न सकिन्छ । कुकुर पाल्नाले स्वास्थ्य सम्बन्धी अनेकौँ फाइदा गराउनेबारे धेरै अगाडि प्रमाणित भइसकेको छ । कुकुर पाल्नेहरू शारीरिक रूपमा बढी सक्रिय हुने हुनाले पनि उनीहरू अरु भन्दा लामो समय बाँच्ने, स्वस्थ जीवन जिउने गरेको बताइएको छ ।

त्यस्तै तनाव कम गर्न मानसिक स्वास्थ्यमा सुधार ल्याउन पनि घरपालुवाहरूले धेरै मद्दत पुर्‍याउने गरेको पाइएको छ ।

यी हुन् कुकुर पाल्दा हुने फाइदा

• मुड राम्रो बनाउन साथ दिन्छ ।
• बच्चामा हुनसक्ने छालाको रोग जोगाउन सहयोग गर्छ ।
• कार्डियोभास्कुलर रोगको जोखिमबाट जोगाउँछ ।
• मानिसलाई स्वास्थ्य दैनिकीतर्फ सधैँ प्रोत्साहित गर्छ ।
• मानिसलाई सक्रिय बनाउँछ ।
• हृदयाघात हुनबाट जोगाउँछ ।
• कुकुर पालिएको घरका बालबालिका चलाख हुन्छन् ।
• घरमै कुकुर भएपछि परिवारले सुरक्षित महसुस गर्छन् ।
• दिक्कलाग्दो वातावरण सिर्जना हुनबाट टाढै राख्छ ।
• जोखिममा कुकुरले जीवन बचाउन साथ दिन्छ ।