काठमाडौँ । प्रमुख प्रतिपक्षी दल नेकपा एमालेका अध्यक्ष केपी शर्मा ओली कर्णाली पुगेका छन् । दैलेख, कालिकोट र जुम्लाका विभिन्न स्थानमा हुने कार्यक्रममा सहभागी हुन उनी कर्णाली पुगेका हुन् ।

उनी बिहीबार आज दैलेखको दुल्लुमा सामान्य कार्यक्रममा सहभागी हुने भएका छन् । त्यसपछि उनी जुम्लाको सिंजा पुग्ने भएका छन् । त्यहाँ आयोजना हुने एक कार्यक्रममा उनले नेकपा विप्लव समूहका नेता राम प्रसाद शर्मा र नेपाली कांग्रेस प्रदेश ‘ख’का उपसभापति दानसिंह खत्रीलगायत नेता कार्यक्रतालाई एमालेमा प्रवेश गराउने भएका छन् ।

यस क्रममा अध्यक्ष ओलीले कर्णालीका पूर्व मुख्यमन्त्री महेन्द्र बहादुर शाहीका प्रमुख स्वकीय सचिव कृष्ण प्रसाद आचार्यसहित नेता कार्यकर्तालाई पार्टी प्रवेश गराउने भएका छन् ।