काठमाडौं- काठमाडौं कीर्तिपुर नगरपालिका-६ चोभार डाडाँस्थित सडकमा बा.९२ प २३१ नम्बरको मोटरसाइकललाई ना.१ ज ६३५४ नम्बरको टाटा सुमोले बुधबार दिउँसो ठक्कर दिँदा २ जनाको मृत्यु भएको छ । मृत्यु हुनेहरुमा मोटरसाइकल चालक नागार्जुन नगरपालिका-६ बस्ने २८ वर्षीय समिर गिरी र मोटरसाइकलमा सवार कलंकी बस्ने नविन्द्र नाम गरेका थर नखुलेका करिब ३० वर्षीय पुरुष रहेका छन् । दुर्घटनामा गम्भीर घाइते भएका उनीहरुको बल्खुस्थित बयोधा अस्पतालमा उपचारको क्रममा दुवै जनाको मृत्यु भएको हो । सुमो चालकलाई प्रहरीले नियन्त्रणमा लिएको छ ।

मकवानपुर हेंटौडा उपमहानगरपालिका-१९ बस्तिपुरस्थित राप्तीखोलामा ना.६ त १८४५ नम्बरको ट्याक्टर काठको पुलबाट क्रस गर्ने क्रममा पुल भाँचिएर बिहीबार बिहान दुर्घटना हुँदा चालक राक्सिराङ गाउँपालिका-८ बस्ने २८ वर्षीय सागर स्याङतानको मृत्यु भएको छ ।