कांग्रेस सभापति शेरबहादुर देउवाले नेपाल विद्यार्थी संघ र नेपाल तरुण दलको अध्यक्ष नियुक्त गरेका छन्।

केन्द्रीय कार्यसम्पादन समितिको ३ फागुनको बैठकको निर्णय र कांग्रेसको विधानबमोजिम रिक्त नेविसंघ अध्यक्षमा काठमाडौंका दुजाङ शेर्पा र तरुण दलको अध्यक्षमा पर्वतका विद्वान गुरुङ नियुक्त गरिएको हो।

तदर्थ कार्यसमितिलाई स्थानीय तह, प्रदेशसभा र प्रतिनिधिसभा सदस्य निर्वाचनको अन्तिम परिणाम प्राप्त भएको मितिले तीन महिनाभित्र केन्द्रीय अधिवेशन सम्पन्न गर्न कार्यादेशसमेत दिइएको छ।

नेविसंघ अध्यक्ष राजीव ढुंगाना र तरुण दल अध्यक्ष जितजंग बस्नेत पार्टी केन्द्रीय सदस्य निर्वाचित भएपछि दुवै संगठनको नेतृत्व खाली थियो।