काठमाडौं- बर्दिया गुलरिया नगरपालिका-४ स्थित बबई नदीमा डुबेर सोही ठाउँ बस्ने धनिराम यादवको छोरा १० वर्षीय रिदम यादवको मंगलबार दिउँसो मृत्यु भएको छ ।  नदीमा पौडी खेल्ने क्रममा डुबेर अशक्त भएका उनको उपचारको लागि अस्पतालतर्फ लैजाने क्रममा बाटोमै मृत्यु भएको हो ।

सप्तरी विष्णुपुर गाउँपालिका-५ मझाउस्थित सार्वजनिक पोखरीमा डुबेर सोही ठाउँ बस्ने पवन मण्डलकी छोरी ७ वर्षीया ज्योती मण्डलको मंगलबार साँझ मृत्यु भएको छ । पोखरीमा लुगा धुन जाँदा डुबेर अशक्त भएकी उनको गजेन्द्र नारायण सिंह अस्पताल राजविराज सप्तरीमा उपचारको क्रममा मृत्यु भएको हो ।