काठमाडौं- धादिङ धुनिवेशी नगरपालिका-१ घट्‍टेखोलास्थित पोखरीमा डुबेर सोही ठाउँ बस्ने ९ वर्षीय रविन तामाङको शनिबार दिउँसो मृत्यु भएको छ । डुवेर बेहोस भएका उनको मनमोहन मेमोरियल अस्‍पताल स्वयम्भु काठमाडौंमा उपचारको क्रममा मृत्यु भएको हो । डुबेर घाइते भएका उनीसँगै गएका सोही ठाउँ बस्ने १३ वर्षीय किशन तामाङको सोही अस्पतालमा उपचार भइरहेको छ ।

सुनसरी बर्जु गाउँपालिका-१ गेलाबारी बस्ने लक्ष्मण रिषिदेवको छोरा १३ वर्षीय निशान रिषिदेवको गढि गाउँपालिका-६ थलाहा खोलामा नुहाउने क्रममा डुबेर शनिबार दिउँसो मृत्यु भएको छ ।

महोत्तरी महोत्तरी गाउँपालिका-५ गौरीगामा बस्ने २५ वर्षीय राकेश पासवानको सोही ठाउँस्थित पोखरीमा पौडी खेल्ने क्रममा डुबेर शनिबार साँझ मृत्यु भएको छ । डुबेर बेहोस भएका उनको प्रादेशिक अस्पताल जनकपुरमा उपचारको क्रममा मृत्यु भएको  हो ।