बिहीबार होलीको समयमा मादक पदार्थ सेवन गरेर सवारी साधन चलाउने १०६ जनालाई ट्राफिक प्रहरीले कारवाही गरेको छ।

होलीमा अवाञ्छित गतिविधि हुन नदिने काठमाडौं उपत्यकामा एक हजार ३०० भन्दा बढी ट्राफिक प्रहरी परिचालन गरिएको थियो। विभिन्न ६८ स्थानमा चेक पोइन्ट राखेर बिहानैदेखि कडा जाँच गरिएको थियो।

साँझ ६ बजेसम्म जाँचका क्रममा मापसे गरी सवारी चलाउने १०६ जनालाई कारवाही गरिएको ट्राफिक प्रहरीले जनाएको छ। ट्राफिक प्रहरीका महाशाखा प्रमुख एसएसपी उमेशराज जोशीका अनुसार बिना हेल्मेट, तीनजना चढ्ने, लापरवाही तरिकाले सवारी चलाउनेलगायत नियम उल्लंघन गर्ने ९०६ वटा सवारी साधनका चालकलाई कारवाही र होल्ड गरिएको थियो।