काठमाडौँ । रुसले अमेरिकी राष्ट्रपति जो बाइडनसहित विदेशमन्त्री एन्टोनी ब्लिंकन केही नेताहरूमाथि प्रतिबन्ध लगाएको छ । यसबारे रुसी विदेश मन्त्रालयले जानकारी दिएको हो ।

राष्ट्रपति बाइडन, विदेशमन्त्री ब्लिंकन, रक्षा सचिव लोयड अस्टिन, राष्ट्रिय सुरक्षा सल्लाहकार जेक सुलिभान र सीआइए प्रमुख विलियम बन्समाथि प्रतिबन्ध लगाइएको रुसी विदेश मन्त्रालयले जनाएको छ ।

रुसले युक्रेनमा आक्रमण गरेसँगै अमेरिका तथा पश्चिमी देशले रुसमाथि प्रतिबन्ध लगाएकाले रुसले प्रतिबन्ध लगाएको बीबीसीले जनाएको छ ।