एमाले निकट नेपाल निजामती कर्मचारी संगठनको सोमबार सम्पन्न दुईदिने ११औँ राष्ट्रिय अधिवेशनले लेखनाथ कोइरालाको अध्यक्षतामा सर्वसम्मत नेतृत्व चयन गरेको छ।

कोइराला यसअघि वरिष्ठ उपाध्यक्ष थिए। अधिवेशनले उपाध्यक्षमा भवानी दाहाल, रेवन्त गौतम र प्रभास साह, महासचिवः जीवन काफ्ले, उपमहासचिवमा रामचन्द्र अधिकारी, युवाचन्द्र घिमिरे, कृष्णबहादुर केसी र विजया सुवेदी, सचिवहरुमा देवेन्द्र ढकाल, वामदेव ओली, तेजप्रकाश भण्डारी, सूर्यबहादुर कुँवर, पुरुषोत्तम रायमाझी र विष्णुकुमारी अधिकारी र कोषाध्यक्षमा गणेशप्रसाद आचार्यलाई चयन गरेको छ।

मुलुकभरबाट करिब एक हजार प्रतिनिधि सहभागी अधिवेशनको २८ फागुनमा एमाले अध्यक्ष केपी ओलीले उद्घाटन गरेका थिए।