कैलाली– सुदूरपश्चिममा मुख्यमन्त्रीमा नेकपा एकीकृत समाजवादीका दीर्घ सोडारीलाई समर्थन गर्न एमाले तयार भएको छ।

सोडारीलाई समर्थन गर्न नसक्ने तर अरू जोसुकैलाई समर्थन गर्ने एमालेको अडानमा नेकपा एस टसमस नभएपछि अन्ततः एमाले सोडारीलाई समर्थन गर्न तयार भएको हो।

मुख्यमन्त्रीको लागि दाबी पेश गर्ने आज अन्तिम दिन भएकोले सोडारीले सत्ता गठबन्धनको समर्थनमा आजै मुख्यमन्त्रीमा दाबी पेश गर्ने भएका छन्।

उनले एमाले, माओवादी नेकपा एकीकृत समाजवादी र नाउपाको रन्जिता पक्षका सांसदको समर्थनमा मुख्यमन्त्रीमा दाबी पेश गर्न लागेका हुन्।