काठमाडौं- मर्निङ वाक गरिरहेकी धनगढी उपमहानगरपालिका ५ तारानगरकी ७० बर्षिय इन्द्रा पन्त ३५ दिनदेखी अचेत अवस्थामा उपचाररत छिन् । गत फागुन १६ गते बिहानै मर्निङ वाकमा निस्केकी पन्तलाई धनगढीको एक्सिस बिद्याश्रम नजिकै मिनि ट्रकले लछारेर घाइते बनाएको थियो ।

पन्तलाई करिब ४ सय मिटर जति लछारेर फरार रहेको ट्रकलाई प्रहरीले चालकसहित नियन्त्रणमा लिसकेको जनाएको छ ।

सडक क्षेत्रमा रहेका टेलिफोन र इन्टरनेटका तार सहित ट्रक संगै लछारिएकी उनलाई बालमिकि स्कुल नजिक स्थानियले उद्धार गरेर उपचारका लागी सेती प्रादेशिक अस्पताल लगिएकोमा त्यहाँ उपचार सम्भव नभएपछि धनगढीकै मायामेट्रो अस्पतालमा अहिले उनको उपचार भइरहेको छ ।

सडकको फुटपाथमा छरिएका टेलिफोनको तार ट्रकमा अडकिएर फुटपाथमा हिडदै गरेकि पन्तको खुट्टालाई बेरेपछि ट्रक संगै लछारिन पुगेकी पन्तको टाउको तथा घुँडामा गम्भिर चोट लागेको छ । टाउकोकै चोटका कारण उनि अँझै होसमा आउन सकिरहेकी छैनन् । आफन्तका अनुसार हालसम्म पन्तको उपचारमा २० लाख बढी खर्च भइसकेको छ ।

आफन्तहरुले टेलिफोन र इन्टरनेट सेवा प्रदायक कम्पनिहरुको लापरबाहीका कारण घटना घटेको बताएका छन् । सम्बन्धित निकायले समयमानै मर्मत सम्भार गरेको भए घटना नघट्ने आफन्तको बुझाई छ ।

ठुलो घटना घट्दा समेत सम्बन्धित कम्पनि र स्थानिय तहले चासो नदिएकै कारण अब कानुनी लडाई लड्ने योजनामा आफन्त छन् । पन्तका भाई क्याप्टेन बेद उप्रेतीले फुटपाथको स्थितीबारे सम्बन्धित निकायमा खबर गरेपनि स्थिती बिकरालनै रहेपछि अदालतमा मुद्धा दर्ता गर्ने तयारी रहेको बताए । टेलिफोन तथा इन्टरनेट सेवा प्रदायक कम्पनि र धनगढी उपमहानगरपालिकाले आवश्यक क्षतिपूर्ति नबेहोरे न्यायका लागि अदालत जाने उप्रेतीले बताए ।