काठमाडौँ । मेक्सिकोमा गोली हानेर १० जनाको हत्या गरिएको छ । मेक्सिकोको एट्लिक्सको एक घरमा बुधबार गोली हानेर एकै परिवारका १० को हत्या गरेको समाचारमा जनाइएको छ ।

मध्य मेक्सिकोको एट्लिक्सकोमा भएको उक्त हत्याको अनुसन्धान सुरु भएको प्रहरीले जनाएको छ । सहरको एक निजी बस्तीमा भएको हत्या काण्डमा तीन जना महिलाको समेत हत्या भएको छ ।

पुएबला प्रान्तको न्यायाधिवक्ताको कार्यालयले घटनाको अनुसन्धान सुरु भएको र यसमा लागू औषधका कारोबारीको संलग्नता रहेको अनुमान गरिएको बताएको छ । मारिएका सबैको टाउको, खुट्टा र छातीमा गोली हानिएको प्रहरीले जनाएको छ ।

हत्या गरिएको घरको वरपर यसअघि पनि लागू पदार्थको किनबेच गर्ने गरिएको थियो । त्यसैले यो हत्या काण्ड पनि लागू पदार्थको किनबेचमा संलग्न समूको झगडाका कारण भएको अनुमान गरिएको प्रहरीले जनाएको छ ।

मारिएकाकाहरूको पहिचान हुन सकेको छैन । तीमध्ये कतिपय सोही घरका भए पनि सबै जना नभएको अनुमान गरिएको प्रहरीले जनाएको छ ।