संवेदनशीलता गुमाएका राजनीतिज्ञ
संवेदनहीन सरकार
चटके विपक्षीहरू
यिनीहरूको चटक देखेर
दिक्क भएको नेपाली समाज

बेथिति भ्रष्‍टाचारलाई
आफ्नो हक ठान्‍ने
राजनीतिज्ञका परिवार

आफ्नो स्वार्थका लागि
यिनको प्रशस्तीगान गाउने झोले
काम गर्ने इच्छा नभएको कर्मचारीतन्त्र

गफाडीको थलो संसद
आफू को हुँ थाहा नभएका सांसद
मालिकको सेवा गर्न आएका मन्त्री

विरोधका लागि विरोध गर्ने
नागरिक समाज
प्रशस्ती गाउने कार्यकर्ता

अर्थ नबुझेका अर्थशास्त्री
सुरक्षा नबुझेका सुरक्षा विज्ञ
प्रशासन नबुझेका प्रशासन विज्ञ
पढाउन नजान्‍ने शिक्षक

सबै थाहा हुँदाहुँदै
यिनलाई भोट दिएर
सत्तामा पुर्‍याउने भेडा

अरू भोट गर
जिताऊ यिनलाई
काम खोज्‍न विदेश गएर
पाऊ दुःख
गर रुवाबासी