विवादित अभिव्यक्तिका लागि चर्चामा आइरहने अमेरिकाका पूर्वराष्ट्रपति डोनाल्ड ट्रम्पले युक्रेन संकटमा ‘यू-टर्न’ लिएका छन्।
उनले युक्रेनमाथि आक्रमण गरेकामा रुसी राष्ट्रपति भ्लादिमिर पुटिनको आलोचना गरेका छन् भने युक्रेनी राष्ट्रपति भोलोदिमिर जेलेन्स्कीलाई ‘निडर नेता’ संज्ञा दिएका छन्। यसअघि उनले युक्रेनमाथि आक्रमणका लागि पुटिनलाई समर्थन गरेका थिए। र, उनलाई ‘जिनियस’ नेता बताएका थिए।
पछिल्लो अभिव्यक्तिमा उनले युक्रेनका नागरिकका लागि प्रार्थना गर्न संसारभरका आफ्ना प्रशंसकलाई आग्रह गरेका छन्।
समाचार एजेन्सी रोयटर्सका अनुसार फ्लोरियामा एक सभालाई सम्बोधन गर्दै ट्रम्पले रुसको आलोचना गरेका हुन्। र, उनले युक्रेनका नागरिकप्रति सहानुभूति प्रकट गरेका छन्।
युक्रेनी राष्ट्रपति जेलेन्स्कीलाई तारिफ गर्दै ‘निडर नेता’ संज्ञा दिए। तर, अमेरिकाका राष्ट्रपति जो बाइडेनको कटु आलोचना गरे। चुनावमा धाँधली भएको पुरानै दाबी दोहो¥याउँदै सोही कारण अहिलेको विश्व परिस्थित विकास भएको अर्को दाबी गरे।
‘यदि चुनावमा धाँधली नभएर म राष्ट्रपति हुन्थें भने यस्तो भयानक संकट आउने नै थिएन,’ उनले भने। तथापि, उनले पुटिनलाई ‘जिनियस’ संज्ञा दिएको आफ्नो अघिल्लो अभिव्यक्तिको बचाउ पनि गरे, ट्रम्पले। ‘किनकि, उनी एक्लैले नेटोलाई चुनौति दिए,’ उनले भने, ‘समस्या यो होइन कि पुटिन स्मार्ट छन्। समस्या यो हो कि हो कि हाम्रा नेता सुस्त छन्।’
