मुम्बई- बलिउड फिल्म ‘एनिमल’ले तीन दिनमा ३ सय करोड भारतीय रुपैयाँ कमाइ गरेको छ।

रणवीर कपुरको यो फिल्मले छोटो समयमा रेकर्ड आम्दानी गरेको हो। यो फिल्मको निर्देशन सन्दीप रेड्डीले गरेका छन्।

गत शुक्रबार यो फिल्म हिन्दी, तलुगु, तमिल, कन्नड र मलयालम भाषामा रिलिज भएको थियो।

फिल्मको प्रोडक्सन टी–सिरिजको ब्यानरमा गरिएको छ। कम्पनीले ट्विटरमार्फत तीन दिनमा ३५६ करोड भारु आम्दानी भएको जनाएको छ।

यो फिल्ममा रणवीरसहित अनिल कपुर, बबी देओल, रश्मिका मन्दना, तृप्ती डिमरी, सुरेश ओबराय र प्रेम चोपडाको अभिनय छ।