गज्जबको मार्सी खुवाए दुर्गाले
हजुरबाबाट
शुरु भएको झगडाले
काठमाडौ आन्दोलनमय भएको थियो

नाति-हजुरबाको झगडामा
सबै सामेल भएका थिए

दुर्गा सडकबाट भट्याउँथे
कोही बालुवाटार र
कोही भक्तपुरबाट
दोहोरी खेल्थे

दुर्गा गणतन्त्र चाहिन्न
ऋण तिर्नु पर्दैन भन्थे
सबै चुप लाग भन्थे

भ्रष्‍टाचारको पैसा
विदेशमा लुकाए भन्थे
सबै एक मुखले
भ्रष्‍टाचार गरेकै छैनौं
भनी खल्ती टकट्क्याउँथे

डडेलधुरे बडाकाजी चुप थिए
देशको चिन्ताले होइन
आफ्नै चिन्ताले
र्‍याल चुहाई बस्या थिए
छैटौंपटक प्रधानमन्त्री
जो हुनु छ

कता गए नाति राजा ?
कता गए नाति राजाका जन्ती ?

गणतन्त्र नफाली चुप लाग्दिनँ भन्थे
एमालेलाई सखाप पार्छु भन्थे
त्यही डरले हजुरबा
उपत्यका छोडी भागे भनेको त
नाति राजा नै बेपत्ता छन्

यसरी आलोकाँचो लहडले
आन्दोलन चल्दैन नाति राजा
राम्ररी तयार भएर फेरि आउनु
हजुरबासँग दोहोरी खेल्न