टीभी, अनलाइन
सामाजिक सञ्‍जालमा
जता हेर्‍यो त्यतै
टिकटककै चर्चा छ

कसैको व्यापार डुब्यो
कसैले आफ्नो चर्तिकला
देखाउन नपाउने भए रे

मने कमरेट जवाफ दिँदै हत्तु

सबका आफ्नै धारणा
आफ्नै विचार छन्
कोही खोल्ने भन्छन्
कोही खोल्नै हुन्‍न

समाज बिगार्‍यो रे
बेथिति ल्यायो रे

कमरेट तिमीहरूले देखाएको
बेथितिका बारे कसले जवाफ दिने ?

देश पुछारमा पुगेको
भारी कसले बोक्ने ?

भ्रष्‍टाचारले डुङ्डुङ्ती गनाएको
गन्ध कसले सफा गर्ने ?

नेपालीबीच जातपात
झगडाको बीउ रोप्‍ने
जिम्मेवारी कसले लिने ?

यी सबै दोषको भारी
टिकटक, ट्‍विटरलगायत
सामाजिक सञ्‍जालले बोक्ने होलान्

नेता भनेका दूधले धोएका
इमानले सिंगारिएका

बदमास भनेका
सामाजिक सञ्‍जालमा
गुनासो पोख्‍ने जनता नै हुन्

यिनलाई कारवाही गर्नैपर्छ
ठोक्नैपर्छ
थुन्‍नैपर्छ