काठमाडौं- कास्की पोखरा महानगरपालिका-२९ भण्डारढिकस्थित सडकमा लु.१५ प १०९७ नम्बरको मोटरसाइकल प्रदेश ०१-००३ क ९८९३ नम्बरको टिपरमा ठोक्किएर सोमबार दिउँसो दुर्घटना हुँदा मोटरसाइकल चालक तनहुँ भिमाद नगरपालिका-२ जिलाङ बस्ने २४ वर्षीय विष्णुवीर रानाको मृत्यु भएको छ । ग.१ ख ७१०३ नम्बरको बसमा उक्त मोटरसाइकल ठक्कर खाई अनियन्त्रित भई टिपरमा समेत ठोक्किएर दुर्घटना हुँदा गम्भीर घाइते भएका रानाको पश्चिम क्षेत्रीय अस्पतालमा उपचारको क्रममा मृत्यु भएको हो । साथै दुर्घटनामा घाइते भएका मोटरसाइकलमा सवार १ जनाको सोही अस्पतालमा उपचार भइरहेको छ । बस र टिपरका चालकलाई प्रहरीले नियन्त्रणमा लिएको छ ।
मकवानपुर हेटौंडा उपमहानगरपालिका-९ मास्टर चोकस्थित सडकमा ग.१ ख ६१७० नम्बरको बसले बागमती प्रदेश ०३-००२ प ९३६२ नम्बरको मोटरसाइकललाई सोमबार दिउँसो ठक्कर दिँदा मोटरसाइकल चालक सोही उपमहानगरपालिका-१ चाईना क्वाटर बस्ने ४० वर्षीय अर्जुन प्रसाद घिमिरेको मृत्यु भएको छ । दुर्घटनामा गम्भीर घाइते भएका उनको हेटौंडा अस्पतालमा उपचारको क्रममा मृत्यु भएको हो । बस चालकलाई प्रहरीले नियन्त्रणमा लिएको छ । रुपन्देही, शुद्धोधन गाउँपालिका-१ बेलवास्थित सडकमा लु.७३ प ७५८ नम्बरको मोटरसाइकल अनियन्त्रित भई सोमबार राति दुर्घटना हुँदा मोटरसाइकलमा सवार सोही गाउँपालिका-१ बेलवा बस्ने ३५ वर्षीय कृष्ण मुरारी लोधको मृत्यु भएको छ । दुर्घटनामा गम्भीर घाइते भएका उनको लुम्बिनी प्रादेशिक अस्पताल बुटवलमा उपचारको क्रममा मृत्यु भएको हो । साथै दुर्घटनामा घाइते भएका मोटरसाइकलमा सवार अन्य २ जनाको सोही अस्पतालमा उपचार भइरहेको छ ।