सुनसरी– चतरा सडक खण्डमा कुदिरहेकाे स्कुटरमा रुख ढलेर किच्दा स्कुटरमा सवार एकजनाकाे मृत्यु भएकाे छ।
सुनसरीको बराहक्षेत्र नगरपालिका वडा नम्बर २ र ३ काे सिमा अन्तर्गत हरिणे खोलाकाे पुल नजिक आज बिहान पनीसहित आएकाे हावाहुरीले रुख ढलेर किच्दा स्कुटरमा पछाडि सवार रामधुनी ६ बस्ने ६१ वर्षीय मुनरलाल चौधरी(साइराम)काे मृत्यु भएकाे नडाहा प्रहरी चौकीका इञ्चार्ज असइ कुमार श्रेष्ठले बताए।
रुखले किचेर गम्भीर घाइते भएका उनकाे तत्कालै उद्दार गरि उपचारको क्रममा वि.पि.कोइराला स्वास्थ्य विज्ञान प्रतिष्ठान धरान पठाइएकोमा उपचारको क्रममा निधन भएको थारु चलचित्र तथा साँस्कृतिक संघ सुनसरीका वरिष्ठ उपाध्यक्ष प्रदिप चौधरीले बताए।
यहि २५ असोजमा झुम्कामा हुन लागेको “साइराम मौगिया आशा वंशज” सम्मेलनका लागि भेटधाट तथा निमन्त्रणा पत्र बाँड्न आफनो घर रामधुनीबाट चतरा हुँदै उदयपुर जाने क्रममा चौधरी आफ्नाे नाति संगम चौधरीले चलाएको को२९प ५५०२ नम्बरको स्कुटर पछाडि बसेर यात्रा गरिरहेका थिए।
मृतक चौधरी थारु चलचित्र तथा साँस्कृतिक सघ केन्द्रिय अध्यक्ष तथा नायक, निर्मता निर्देशक, म्याजिक हल झुम्काका संचालक प्रसुराम चौधरीका पिता हुन्।