काठमाडौं – झापा भद्रपुर नगरपालिका-४ बरगाछी टोलस्थित सडकमा मे.१० प ४४१९ नम्बरको मोटरसाइकलको ठक्करबाट पैदलयात्री सोही ठाउँ बस्ने ७७ वर्षीय जगत बहादुर कार्कीको बिहीबार साँझ मृत्यु भएको छ । ठक्करबाट गम्भीर घाइते भएका उनको ओमसाई पाथिभरा अस्पताल भद्रपुरमा उपचारको क्रममा मृत्यु भएको हो । मोटरसाइकलमा सवार चालक सहित ३ जनालाई प्रहरीले नियन्त्रणमा लिएको छ ।
सिरहा गोलबजार नगरपालिका-४ स्थित सडकमा बा.९४ प ४६७२ र प्रदेश नम्बर २-०१-००१ प ५७५४ नम्बरको मोटरसाइकल एकआपसमा ठोकिएर बिहीबार साँझ दुर्घटना हुँदा प्रदेश नम्बर २-०१-००१प.५७५४ नम्बरका मोटरसाइकल चालक सोही नगरपालिका-६ बस्ने ४२ वर्षीय कृष्णवीर यादवको मृत्यु भएको छ । दुर्घटनामा गम्भीर घाइते भएका उनको भुमिजा अस्पताल गोलबजार हुँदै थप उपचारको लागि लहानतर्फ लैजाने क्रममा बाटोमै मृत्यु भएको हो । बा.९४ प ४६७२ नम्बरको मोटरसाइकल चालकलाई प्रहरीले नियन्त्रणमा लिएको छ ।
दाङ दंगिशरण गाउँपालिका-४ हेकुलीस्थित सडकमा रा.१ ह २९६६ नम्बरको अटो रा.१ त २८२२ नम्बरको ट्याक्टरमा ठोकिएर बिहीबार साँझ दुर्घटना हुँदा अटोमा सवार दंगिशरण गाउँपालिका-३ बस्ने ५० वर्षीय नेत्र बुढाथोकीको मृत्यु भएको छ । दुर्घटनामा गम्भीर घाइते भएका उनको राप्ती प्रादेशिक अस्पताल तुलसीपुर हुँदै नरसिंङ होम अस्पताल नेपालगंजमा थप उपचारको क्रममा मृत्यु भएको हो । गम्भीर घाइते भएका अटोका चालकको नरसिंह होम अस्पतालमा उपचार भइरहेको छ । ट्याक्टर चालकलाई प्रहरीले नियन्त्रणमा लिएको छ ।