नयाँदिल्ली- भारतीय वायु सेनाको एक जहाज दुर्घटनाग्रस्त भएको छ।

नयाँ क्याडरलाई तालिम दिने क्रममा जहाज खसेको भारतीय सञ्चार माध्यमहरूले जनाएका छन्।

कर्नाटकको चामराजनगरमा भएको घटनामा जहाजका पाइलटहरू सुरक्षित रहेको वायु सेनाले जनाएको छ।

सेनाका अनुसार किरण ट्रेनर नाम दिइएको जहाज नियमित उडानका क्रममा दुर्घटनामा परेको हो। जहाजबाट दुवै पाइलटलाई सकुशल उद्धार गरिएको छ।

दुर्घटनाको जाँच अगाडि बढाउन भारतीय सेनाले आदेश दिएको छ। दुर्घटनाको कारण खुल्न सकेको छैन।