मेष- नयाँ काममा हात हाल्ने समय छैन। तथापि, अवसरै अवसर हातमा आएका छन्। सही समयमा सही निर्णय लिन नहिचकिचाउनु होला। इष्टमित्रको सहयोग मिल्ला।
वृष- आम्दानीका स्रोतहरू बढ्ने समय छ। स्वास्थ्यमा समस्या देखिने भएकाले खानपानमा सहज रहनु होला। व्यापार, व्यवसाय फस्टाएर जालान्। मनोरञ्जनपूर्ण दिन छ।
मिथुन- आज प्रशस्त आम्दानी हुने योग छ। आकस्मिक धनलाभ पनि हुन सक्छ। अध्ययन, अध्यापनको क्षेत्र भने कमजोर रहला।
कर्कट- आज मालसामान हराउन सक्ने भएकाले सावधानी अपनाउनु होला। मिहिनेतको तुलनामा उपलब्धी कम हुन सक्छ। आफ्नै असावधानीले अवसर गुम्न सक्छ।
सिंह- आजको दिन स-साना कामले व्यतित गराउलान्। अनावश्यक भ्रमणबाट बच्नु होला। मिहिनेती स्वभावबाट मात्र सफलता प्राप्त हुने दिन छ आज।
कन्या- आज धार्मिक प्रकृतिको भ्रमण हुन सक्छ। दाम्पत्य जीवन सुमधुर रहला। सानै प्रयासमा ठूलो उपलब्धी हासिल हुन सक्छ। सामाजिक काममा पनि दिन बित्न सक्छ।
तुला- आजको दिन सामान्य रहला। नयाँ जिम्मेवारी प्राप्त हुँदा मन प्रसन्न रहला। आफ्ना दीर्घकालीन हितका योजनामा गोपनीयता अपनाउँदै अगाडि बढ्नु होला।
वृश्चिक- मिहिनेतको तुलनामा प्रतिफल कम हुन सक्छ। स्वास्थ्यमा ध्यान दिनु होला। हाँके ताकेको काम ठूलो परिश्रमपछि मात्र बन्ला।
धनु- मनमा डरले बास गरेको छ। तथापि, मन बलियो बनाएर अगाडि बढ्दा राम्रो उपलब्धी हासिल हुन सक्छ। अध्ययन, अध्यापन राम्रो रहला।
मकर- अनावश्यक खर्चबाट टाढा रहनु नै उत्तम हुनेछ। आकस्मिक धनलाभको योग छ। साझेदारी व्यवसायमा राम्रो नाफा आर्जन हुन सक्छ।
कुम्भ- आफूले गर्दै नगरेको गल्तीको आरोप लाग्न सक्छ। केही बाध्यात्मक परिस्थिति उत्पन्न हुन सक्छ। तथापि, मन दरिलो बनाएर अगाडि बढ्नु होला, अनावश्यक आरोप लगाउनेहरू किनारा लाग्ने छन्।
मीन- आजको दिन लेनदेनमा विवाद आउला। अध्ययन, अध्यापनमा त्यति ठूलो प्रगति नहोला। चोटपटकको भय रहेकाले सवारी साधन चलाउँदा सावधानी अत्यावश्यक देखिएको छ, आजको दिन।