काठमाडौं- फिल्म निर्माता रोहित शेट्टी शनिबार सुटिङका दौरान घाइते भएका छन् ।
उनलाई हैदराबादको एक अस्पतालमा भर्ना गरिएको छ । रिपोर्टका अनुसार उनी आफ्नो वेब सिरिज ‘इन्डियन पुलिस फोर्स’को सुटिङ गरिरहेका थिए । कार सिक्वेन्सको सुटिङका क्रममा उनको हातमा चोट लागेको थियो । यो घटना हैदराबादको प्रसिद्ध रामोजी फिल्म सिटीको हो।
रोहितलाई निर्माण टोलीले तत्कालै स्थानीय कमिनेनी अस्पतालमा भर्ना गरेको थियो । पछि चिकित्सकको टोलीले उनको हातको सानो शल्यक्रिया गरेको थियो । यसबारे रोहित शेट्टीका प्रवक्ताले आधिकारिक बयान जारी गर्दै भनेका छन्ने, ‘रोहित हिजो राति आफ्नो आगामी वेब सिरिज इन्डियन पुलिस फोर्सको एक्सन सीन सुटिङ गरिरहेका थिए । यस क्रममा उनको औँलामा सामान्य चोट लागेको छ । चोटको तत्काल उपचार गरेपछि उनले सुटिङ सुरु गरेका छन् ।
‘इंडियन पुलिस फोर्स’ रोहितद्वारा निर्देशित एक मेगा बजेट वेबसिरिज हो। उनले पहिलो पटक वेब सिरिज निर्देशन गर्दैछन् । यस सिरिजमा सिद्धार्थ मल्होत्रा मुख्य कलाकारको रुपमा देखिनेछन् । यसका अलावा शिल्पा शेट्टी र विवेक ओबेरोय पनि यसमा देखिनेछन् । यो ओटीटी प्लेटफर्म ुअमेजन प्राइमु मा रिलीज हुनेछ।
रोहित शेट्टी एक्सन फिल्मका लागि परिचित छन् । रोहितको फिल्ममा प्रायः दुईवटा कार आपसमा भिड्ने गर्छ । उनको सिंघम, दिलवाले र सूर्यवंशी जस्ता फिल्ममा दमदार एक्सन देखिएको छ । रोहित आफैं पनि एक्सन गर्न मन पराउँछन्। उनी रियालिटी शो खतरो के खिलाडीमा पनि खतरनाक स्टन्ट गर्दै देखिएका छन् ।