मुम्बई- बलिउड अभिनेता सलमान खानको घरबाहिर प्रहरीले लाठीचार्ज गरेको छ।

उनको जन्मदिन मनाउन त्यहाँ पुगेका सयौंको भीड नियन्त्रण गर्न प्रहरीले लाठी बर्साएको हो।

अभिनेता खानको ग्यालेक्सी अपार्टमेन्टमा उनका प्रशंसकहरू जन्मदिनको शुभकामना दिन पुगेका हुन्।

समाचार एजेन्सी एएनआईले सार्वजनिक गरेको भिडियोमा सलमान खान घरको बार्दलीमा निस्केर प्रशंसकहरू अभिवादन गरिरहेको देखिन्छ। उनका प्रशंसकहरू उनको अभिवादन स्वीकार गरिरहेका छन्। तर, जब भीड उग्र भयो, प्रहरीले लाठीचार्ज गर्दै तितरबितर बनायो।