अर्घाखाँची । जिल्लामा प्रत्यक्ष र समानुपातिक तर्फको सबै मत गणना सम्पन्न भएको छ । जसमा एमाले पहिलो, नेपाली कांग्रेस दोस्रो, राष्ट्रिय स्वतन्त्र पार्टी तेस्रो दल बनेको छ ।

प्रत्यक्षतर्फ प्रतिनिधिसभामा नेकपा एमालेका टोपबहादुर रायमाझी ४२ हजार ६७५ मतका साथ निर्वाचित हुँदा राप्रपा नेपालका खलिल मियाँले २६ मत प्राप्त गरे ।

प्रदेशसभा (क)मा प्रदेशसभा सदस्यको लागि भएको निर्वाचनमा एमालेका चेतनारायण आचार्य २० हजार ५२५ मतका साथ निर्वाचित हुँदा चुनाव चिह्न ह्विलचेयर लिएका स्वतन्त्र उम्मेदवार विक्रम खनालले २५ मत प्राप्त गरेका छन् ।

प्रदेशसभा (ख)मा प्रदेशसभा सदस्यका लागि भएको निर्वाचनमा एमालेका रामजी प्रसाद घिमिरे २२ हजार ७८९ मतका साथ निर्वाचित हुँदा चुनाव चिह्न स्कुटर लिएका स्वतन्त्र उम्मेदवार खेतुलाल उपाध्यायले २९ मत प्राप्त गरेका छन् ।