काठमाडौं- बलिउड अभिनेता विक्रम गोखलेको निधन भएको छैन ।

अहिले उनको अवस्था चिन्ताजनक छ । उनकी छोरीले बुधबार अबेर राति यसबारे जानकारी दिँदै बुवाको मृत्युको खबर गलत भएको बताएकी छिन् । उनले बाबुको अवस्था अहिले निकै नाजुक रहेको बताएकी छिन् । उनका अनुसार डाक्टरहरुले सक्दो प्रयास गरिरहेका छन् ।

उनले बुवाको सुस्वास्थ्यका लागि सबैलाई प्रार्थना गरिदिन आग्रह पनि गरेकी छिन् । वास्तवमा विक्रम गोखलेको मृत्युको खबर बुधबार राति नै आएको थियो । यसपछि सामाजिक सञ्जालमा श्रद्धाञ्जलीको वर्षा हुन थालेको थियो ।
विक्रम गोखलेले टेलिभिजनमा पनि आफ्नो छुट्टै पहिचान बनाएका थिए । उनी सन् १९८९ देखि १९९१ सम्म दूरदर्शनमा चलेको प्रसिद्ध शो ‘उडान’ का उनी हिस्सा थिए ।

विक्रम गोखलेले ९७ चलचित्र र थिएटर नाटकमा अभिनय गरेका छन् । उनले ७० मराठी फिल्ममा पनि अभिनय गरेका छन् । उनी पछिल्लो पटक २०२२ मा रिलिज भएको फिल्म निकम्मामा देखिएका थिए । यसबाहेक उनी आगामी वेब सिरिज अम्बेडकर – द लिजेण्डमा देखिनेछन् ।