काठमाडाैं : पल शाह र वर्षा शिवाकोटीको अभिनय रहेको फिल्म ‘वीरविक्रम २’को हिन्दी संस्करणको ट्रेलर सार्वजनिक भएको छ ।

निर्देशक चाम्सका अनुसार पुष १५ गते ओएसआर इन्टरनेशनलको युट्युब च्यानलमा हिन्दी डब रिलिज हुनेछ। फिल्मको नेपाली संस्करण भने हलमा रिलिज भइसकेको छ ।

फिल्ममा नाजिर हुसेन, देशभक्त खनाल, विनिशा भण्डारी, विनोद सुवेदी खत्री, मनिष लिम्बुको समेत अभिनय रहेकाे छ। सुदीप बरालको छायांकन, हिमाल केसीको द्वन्द्व र प्रदीप भारद्धाजको लेखन रहेको फिल्मको कार्यकारी निर्मातामा अर्पण सापकोटा र सह-निर्मातामा रञ्जिता सिवाकोटी छन्।