अछाम । जिल्लाको ढकारी गाउँपालिकाका अध्यक्ष र उपाध्यक्ष चढेको गाडी दुर्घटना भएको छ। गाउँपालिकाको बा २ झ ३७६५ नम्बरको सरकारी गाडी साँफेबगर नगरपालिका ४ मा दुर्घटना भएको प्रहरीले जनाएको हो।

दुर्घटनामा गाउँपालिका उपाध्यक्ष नेत्रकलादेवी शाही र गाडी चालक ४३ वर्षीय लली नेपाली घाइते भएका छन् । उनीहरू दुवै जनाको बयलपाटा अस्पतालमा उपचार भइरहेको छ । पालिका अध्यक्ष प्रकाश साउद भने सकुशल रहेका छन् ।

त्यस्तै, गाडीमा सवार अन्य कसैलाई केही नभएको जिल्ला प्रहरी कार्यालय अछामले जनाएको छ । गाडी बिहान ४ बजे दुर्घटना भएको हो ।