काठमाडौँ । सरकारले मासिक १० करोडभन्दा बढी रकमको विद्युत खपत गर्ने उद्योगलाई विद्युत महशुलमा २ देखि १५ प्रतिशतसम्म छुट दिने भएको छ ।

सरकारले ल्याएको आर्थिक वर्ष २०७९–८० को बजेट भाषणमा बोल्दै अर्थमन्त्री जनार्दन शर्माले मुलुकमा औद्योगिक क्षेत्रको विकास गर्न, वैदेशिक लगानीलाई आकर्षण गर्न, उत्पादन बृद्धि गर्न निर्यातलाई प्रर्वद्धन गरी आयात प्रतिस्थापन गर्न योगदान पुग्ने गरी विद्युत खपत गर्ने उद्योगहरुलाई विद्युत महसुलमा छुट गरिएको बताए ।

यस्तै, नेपालमै उत्पादन सम्भावना भएका उद्योगबाट उत्पादित वस्तुको खपतमा जोड दिइने अर्थमन्त्री जनार्दन शर्माले बताएका छन् ।

यसैगरी, उच्च निर्यात सम्भावना भएका क्लिंकर, सिमेन्ट, फुटवेयर र खानेपानी जस्ता वस्तुको निर्यात प्रबद्र्धन गरिने बताए ।