काठमाडौँ । उत्तर कोरियाले बिहीबार आफ्नो सबैभन्दा लामो दुरीको अन्तरमहाद्वीपीय ब्यालेष्टिक मिसाइल (आईसीबीएम)को सफलतापूर्वक परीक्षण गरेको छ ।
सन् २०१७ पछि उत्तर कोरियाले पहिलोपटक प्रतिबन्ध लगाएको आईसीबीएमको परीक्षण गरेको हो । यो लामो दुरीको मिसाइल हो ।
यो मिसाइलले अमेरिकासम्म मार हान्न सक्ने क्षमता राख्दछ । यस मिसाइल परीक्षण गरेको भन्दै उत्तर कोरियाविरुद्ध पहिला कठिन प्रतिबन्ध लगाइएको थियो । यसैबीच उत्तर कोरियाले पुनस् सोही मिसाइल परीक्षण गरेको हो ।
उत्तर कोरियाको सरकारी मिडियाका अनुसार राष्ट्रपति किम जोङ उन आफैले यस परीक्षण गर्न निर्देशन दिएका थिए ।
यो ह्वासोङ १७ आईसीबीएमलाई पहिलोपटक सन् २०२० मा एक सैन्य सैन्य परेडमा पेश गरिएको थियो । जहाँ यसको ‘अत्यन्त ठूलो’ आकारले देशको रक्षा र हतियार विशेषज्ञहरूलाई समेत चकित पारेको थियो ।
मिसाइल प्रक्षेपण जापान र दक्षिण कोरियाले ट्र्याक गरेका थिए । जापानी अधिकारीहरूले यो मिसाइल ६ हजार किलोमिटर माथि उडेको बताएका थिए । यो एक घण्टाभन्दा बढी समय उडेर जापानी सागरमा खसेको जापानी अधिकारीले दाबी गरेका थिए । एजेन्सी
